ياهني من شاف خشم النير والكوده
وخشوم الانصر وشاف حشاش طيناني
ويشوف هضبة خفا اللي يسقي وروده
بين العرايس وشرثه دون كبشاني
ودي بشوف ذهلان وشوفة حيودهه
ضلع سقاه الحيا من غر الامزاني
هو منوتي ودي امشي فيه واروده
يريف قلبي وشوفه يعجب اعياني
مشفي على شربة من بارد عدوده
من صافي ماه يروي كل ظمياني
ياجاهل به تراي ابين حدوده
شمال شطب وجنوبيه دليعاني
والغرب حزم العنيز وعبلة صموده
والشرق ما سال يمه حده الداني
هذي حدوده وبالتاريخ ماجوده
حامينا بالقنا وافين الافناني
هي عندي احسن مناظرها من السوده
واحسن من التمنيه مانيب غلطاني
بعض العرب ما يعرف النقص من زوده
يلوم راعي الوطن في حب الاوطاني
لو كان هو ما يحصل نص مقصوده
مايأخذ الحق مع ذربين الايماني
يلومني واحد ما نومسه فوده
ماقط فاد الجميله طير برماني
القائمة الرئيسية
موقع الشيخ عبدالله ابن جبرين
v2.0.5 
