يقوله اللي تهيض من ضميره يبدع القيل
يهيض ماطرى في خاطره من ضيق باله
الا ياونتن ونيتها مع تاي الليل
اجر بونتي وارفع بصوتي بالعماله
بلاني من هواجيس يجيني عدلهن ميل
الى ميزت الى ميلها اكثر من عدلها
الى قفن ذولي جني الاوخر مقابيل
خذني بالحياله لين جرن المساله
وانا ماودي امشي كود مع درب ودواليل
ابي ممشاي ممشى اهل المراجل والشكاله
ترى بعض العرب لو لبس ملبوس الرجال
بهيمه ما يميز لك يمينه من شماله
ولو شفته معه سبحه وبالمخبات منديل
تغرك سنحته يعجبك في لبسة عقاله
والى منك بغيت العلم منه بوزن وبكيل
لقيته جرم كرتون مفضى منه ماله
وبعض الناس لو زوله يهس عن الازاويل
معه عقل لبيب ينفعه في كل حاله
يعرف اللي يصيبه ويتخارج بالمداخيل
يجازي فاعل المعروف معروف وجماله
والى شاف الجفا من واحد يجفاه بالحيل
يوريه الجفا من خاطر شين مقاله
وبعض الناس يصبر لو يشوف الحيف والمل
يبي كود الفلك يندار ويهب الهواء له
وسيع خاطره بمدارج الحيلات حلحيل
يحاول ويتحايل لين يدرك بالحياله
مهوب مضيع حقه بكثر القول والقيل
والى من الحقب لز البطان ادرك مناله
دروب المرجلهيابينها من غير تفصيل
لبيب العقل ما يرضى لنفسة بالرزاله
اخاف من الهذور اللي يحب الهرج بالحيل
كريم باللسان ويدعي كل الكماله
كريم باللسان وغيرها مابه محاصيل
هذور بالمجالس والنمامه راس ماله
لسانه مشغله بالناس في مدح وترذيل
حياته ما تحصل خير لاصحابه ولا له
هذاك ابرا الى الله منه مالي به مداخيل
ولا اجلس مع قليل المعرفة راعي الجهاله
انا ربعي على وضح النقا ربع مشاكيل
جليس الخير ينفعني حديثه مع سؤاله
ترى بين المجالس فرق بالزين وتنافيل
جليس الشر يستانس جليسه في ظلاله
اقوله من ضميري ماتناولته تناويل
معاني جيده من خاطري فيها كماله
واختمه في صلاة الله على المختار تكميل
عدد ما هل همال المخايل من خياله
القائمة الرئيسية
موقع الشيخ عبدالله ابن جبرين
v2.0.5 
