يقوله اللي بالمعاني فاهم - مكتبة هكذا علمتني الحياة - شبكة حكاية رحال الثقافية

مكتبة هكذا علمتني الحياة

قصائد سعد بن محمد اليحيى

يقوله اللي بالمعاني فاهم

ينصح ويرشد بالهدى ويشير

قوله دليل للرجال وبين

نصيحة للمستمع تذكير

خمس الفرايض لاتردى فيها

زكي الحلال وطهره تطهير

والحج فرض في حيلتك مره

وما زاد عنها لك تزود خير

والوالدين ببرهم لاتذخر

اجهد لهم واحرص عن التقصير

للوالدة حق عليك وواجب

ترى لها حق عليك كبير

نقلتك بين ضلوعها بالحمل

تسعة شهور مالهم تأخير

عامين عاطفتن عليك برحمة

ترضعك من ثديينها درير

والى سهرت الليل تسهر مثلك

النوم عنها من بكاك يطير

من ما بخاطرها تقول مصخن

ترفعك فوق متونها وتدير

الله يجزى والدي بالجنه

اللي غذوني يوم كنت صغير

عز الله إني ماوفيت بحقهم

ارجي السموحة وارجي التيسير

هذي نصيحه وافتهم تاليها

يوم استمرت بالسراء والسير

الجار عزه لاتكدر باله

خلك لجارك باللزوم بصير

إلى بدا له حاجة قل عندي

أنا قصيرك وأنت لي قصير

لياك تبخل عند حاجة جارك

لولا المشقة صار لك خشير

ولا ترافق عايل مستكبر

يزوم نفسة يحسب انه زير

هذاك خله عنك بسعي الله

ما منه خير ولا بقربه خير

عليك بالعلياء توسق فيها

ترى الطلوع أحسن من التحدير

رافق هل المعروف وأهل الشيمه

اللي مجالسهم بها التذكير

اللي مراجلهم تعد وتذكر

مهوب عد أرياء ولا تبذير

اللي يعينونك على أمر الطاعة

على النقاء ما هوب بالتزوير

والى بداء لك في بعضهم حاجة

ساعدك بالجواب بلا تعسير

راعي النمامة عن مجاله جنب

تراه شر خافي شرير

ولو حكى لك قد حكى في غيرك

موسه على قطع اللحم شطير

تم إضافته يوم الأربعاء 24/02/2010 م - الموافق 11-3-1431 هـ الساعة 8:46 صباحاً

شوهد 262 مرة - تم إرسالة 0 مرة

التقييم 9.01/10
1
2
3
4
5
6
7
8
9
10

اضف تقييمك

التقييم: 9.01/10 (80 صوت)

القائمة الرئيسية